Gal Gadot ka ndarë një histori prekëse në rrjetet sociale për një periudhë të vështirë gjatë shtatzënisë, kur iu diagnostikua me trombozë masive gjaku në tru, që e detyroi të kalonte një operacion urgjent. Aktorja 39-vjeçare zbuloi se gjatë muajit të tetë të shtatzënisë vuante nga dhimbje koke të forta që e lanë të lidhur në shtrat, dhe më pas një skanim zbuloi një “trombozë masive gjaku” në tru.
Gadot e kujtoi këtë periudhë si një përballje me pasiguri dhe frikë, duke theksuar se kjo ishte një kujtesë për sa e brishtë mund të jetë jeta. “Në një moment, familja ime dhe unë u përballëm me atë se sa e brishtë mund të jetë jeta. Ishte një kujtesë e qartë se sa shpejt gjithçka mund të ndryshojë,” tha ajo.
Pasi u dërgua urgjentisht në spital, Gal Gadot iu nënshtrua një operacioni urgjent, dhe vajza e saj Ori lindi në një moment të pasigurt dhe frikshëm. Emri i vajzës, që do të thotë “drita ime,” nuk u zgjodh rastësisht, duke pasur parasysh periudhën e vështirë që kaloi aktorja.
Ajo tha se tani është e shëruar plotësisht dhe ndan këtë përvojë për të rritur ndërgjegjësimin për trombozën venoze cerebrale (CVT), një gjendje që mund të ndodhë gjatë shtatzënisë dhe që është trajtueshme nëse diagnostikohet në kohë. Gadot theksoi se ndërgjegjësimi për këtë gjendje është shumë i rëndësishëm, pasi ndihmon në trajtimin e saj.
Aktorja e njohur, e cila është e martuar me zhvilluesin e pronave Jaron Varsano, ka tre vajza të tjera, Alma, 13 vjeç, Maya, 7 vjeç dhe Daniella, 3 vjeç.
