KAS ka vendosur heqjen e gjobës ndaj ish kandidates për kryetare të bashkisë së Shkodrës Majlinda Angoni. Kjo e fundit akuzohej se kishte përdorur administratën në fushatën në zgjedhjet e 6 marsit që u mbajtën në 6 bashki.
Po ashtu KAS shfuqizoi edhe gjobën ndaj mjekes Edona Tafa, e cila akuzohet se ka bërë fushatë për Angonin.
“Kërkesë për vendosje të sanksionit administrativ në vlerën 3.000 (tre mijë) lekë, ndaj znj. Edona Tafa, Drejtor dhe Mjek në Qendrën Shëndetësore Rrethina, ambulanca Dobraç dhe sanksionin administrative në vlerën 100 000 (njëqind mijë) lekë, ndaj znj. Majlinda Angoni, kandidat për kryetar në Bashkinë Shkodër”, njoftonte me heret KAS para se te jepej vendimi.
