Pas një sezoni pozitiv me Flamurtarin, ku kontribuoi në ngjitjen e skuadrës vlonjate në Superiore, mbrojtësi shqiptar Albi Alla ka marrë një vendim surprizues për të ardhmen e tij.

Përmes një njoftimi zyrtar në rrjetet sociale, klubi grek PO Atsaleniou, që militon në Kategorinë e Tretë të futbollit grek, bëri të ditur arritjen e marrëveshjes me lojtarin 31-vjeçar.

“Allës i urojmë mirëseardhjen në klubin tonë dhe suksese me fanellën e P.O. Atsaleniou”, shkruhej në komunikatën e klubit, ndërsa vetë futbollisti u shpreh:

“E di historinë dhe rëndësinë e fanellës së P.O. Atsaleniou dhe jam i lumtur që tani i përkas familjes së kësaj skuadre.”

Ky transferim shënon një hap të ri në karrierën e Albi Allës, i cili ka qenë pjesë e disa skuadrave në kampionatin shqiptar dhe atë ndërkombëtar.