Me 25-vjetorin e çlirimit të Kosovës që po afrohet, Kryeministri Albin Kurti ka shpërndarë me ndjekësit e tij në rrjetin social Instagram logon për këtë rëndësi historike. Loga, e cila kombinon motive tradicionale me një dizajn modern, shënon një ditë të rëndësishme për historinë e vendit.

Në postimin e tij, Kurti përshkruan elementët e logos dhe frymëzimin e tyre: “Frymëzuar nga historia dhe kultura, motivet e ngjyrat që i gjejmë të qëndisura në veshjet tradicionale e të thurura në artizanatet tona, na vijnë të rifreskuara me dizajn modern. Aty shohim profilin e pëllumbit të bardhë që simbolizon paqen e lirinë, si dhe simbolin e shqiponjës dykrenare e vigjilente, që është e ngulitur thellë në historinë e identitetin tonë kombëtar.”

Ky kombinim i motiveve tradicionale dhe dizajnit modern përfaqëson qëndrimin e Kosovës në këtë kohë të rëndësishme, duke e shënuar një moment të madh në historinë e tyre kombëtare. Me këtë logo, Kurti dëshiron të shprehë rëndësinë dhe krenarinë për lirinë dhe pavarësinë e vendit të tij.