Pas daljes nga Big Brother VIP, Aldo Marku ishte i ftuari i radhës në “Fan Club”, ku dha sqarime mbi disa prej momenteve më të komentuara gjatë qëndrimit të tij në shtëpi. Një prej tyre ishte deklarata që i bëri Danjës pak ditë para largimit, e cila shkaktoi reagime të shumta në rrjet.

Aldo sqaroi se pëlqimi që shprehu ndaj Danjës nuk ishte i sinqertë, por një mënyrë për ta testuar:
“E bëra për të parë si do sillet ajo me mua, por ajo nuk më mbajti ndonjë distancë. Fillova të ndihesha keq sepse nuk doja ta nxirrja keq atë,” – u shpreh ai.

Ndërkohë, surprizë për publikun ishte një mesazh i dërguar nga Redi, partneri i Danjës jashtë shtëpisë, i cili i doli asaj në mbrojtje me një qëndrim të qartë e mbështetës:

“Danja është një vajzë që ka arritur deri këtu prej vlerave të saj. Për këdo që përpiqet të përbaltë figurën e saj, veprat flasin më shumë se fjalët. Sikurse ka qenë e dukshme dhe në debatet që ka pasur brenda shtëpisë, ajo s’ka zgjedhur të ulë dikë, siç kanë ulur atë. Për më tepër, ajo ka falur më shumë se kushdo në atë shtëpi. Jam krenar për të. Danja më ka mua, unë kam atë. Kjo na mjafton.”

Reagimi i Redit u prit me duartrokitje në studio dhe u komentua gjerësisht si një mesazh dashurie dhe besimi në një lidhje që i ka rezistuar edhe realitetit të fortë të një formati si Big Brother.