Drejtori i komunikimit në Partinë Demokratike, Alfred Lela, deklaroi gjatë një emisioni televiziv se në strategjinë e opozitës për mosbindjen civile është parashikuar edhe mundësia e një proteste në Surrel, pranë rezidencës së kryeministrit Edi Rama.

“Vajtja në Surrel është në menynë e opsioneve të Partisë Demokratike dhe opozitës. Ka qenë, është dhe do të jetë. Se kur i vjen koha, nuk e di. Është në meny, por kur ky opsion do të realizohet, varet nga rrethanat, situatat dhe objektivat e opozitës,” theksoi Lela. Sipas tij, synimi kryesor i protestave mbetet krijimi i një qeverie teknike, për të garantuar zgjedhje të lira dhe të ndershme.