Ambasada e Shteteve të Bashkuara në Tiranë ka shpërndarë një mesazh të Sekretares Amerikane për Sigurinë Kombëtare, Kristi Noem, ku theksohet rëndësia e ndjekjes së ligjit nga emigrantët që udhëtojnë drejt SHBA-së.

“Ndiqni ligjin dhe do të gjeni mundësi. Nëse po mendoni të hyni në mënyrë të paligjshme në Amerikë, do të keni pasoja,” thuhet në deklaratën e saj.

Ambasada amerikane thekson se SHBA mbetet e përkushtuar për të mbrojtur kufijtë e saj dhe për të ruajtur integritetin e sistemit të emigracionit. Ky mesazh vjen në një kohë kur autoritetet amerikane po ndërmarrin masa më të forta për kontrollin e kufijve dhe trajtimin e emigracionit të paligjshëm.