Ambasada e SHBA-së në Shqipëri ka përcjellë një mesazh urimi për besimtarët myslimanë në festën e Fitër Bajramit.
Ambasada shkruan në një mesazh në “Facebook” se kjo festë shënon kulmin e Ramazanit, një muaj në të cilin shumë përjetojnë domethënie, perceptim dhe frymëzim nëpërmjet agjërimit, lutjes dhe bamirësisë.
“Në emër të Ambasadës së Shteteve të Bashkuara, dërgojmë urimet më të mira të gjithë atyre që festojnë sot Fiter Bajramin. Kjo festë shënon kulmin e Ramazanit, një muaj në të cilin shumë përjetojnë domethënie, perceptim dhe frymëzim nëpërmjet agjërimit, lutjes dhe bamirësisë.
Ndërsa e gjithë bota është bashkuar në përballjen me sfidën e COVID-19, ne shpresojmë dhe urojmë që ky vit të sjellë shëndet të mirë dhe gëzim në familjet e të gjithëve! Gëzuar Bajramin!”.
Besimtarët myslimanë i ka uruar edhe Ambasada e Bashkimit Evropian në Tiranë, teksa shkruan në një mesazh në “Facebook”:
“Gëzuar Fiter Bajramin 
të gjithë besimtarëve myslimanë shqiptarë 
! Urojmë që sakrificat dhe përkushtimi gjatë muajit të shenjtë të Ramazanit të sjellin shëndet dhe lumturi për ju dhe familjet tuaja!”
Po ashtu edhe ambasadori i BE në Shqipëri Luigi Soreca ka uruar besimtarët myslimanë me anë të një postimi në twitter.
“Gëzuar Fiter Bajramin të gjithë besimtarëve myslimanë shqiptarë! Urojmë që sakrificat dhe përkushtimi gjatë muajit të shenjtë të Ramazanit të sjellin shëndet dhe lumturi për ju dhe familjet tuaja!”, shkruan Soreca
