Ambasadori i Shteteve të Bashkuara në Kosovë, Jeff Hovenier, ka rikujtuar shqetësimet e Shteteve të Bashkuara lidhur me vendimin për mospërdorimin e dinarit serb në Kosovë. Në një takim me Guvernatorin e Bankës Qendrore të Kosovës, Ahmet Ismaili, Hovenier ka kërkuar sërish shtyrjen e implementimit të rregullores së ndryshuar në operacionet me para.
“Sot pata një takim frytdhënës me Guvernatorin e Bankës Qendrore të Kosovës, Ahmet Ismailin. I përsëris shqetësimet e ShBA-së rreth zbatimit të rregullores së ndryshuar në operacionet me para. Ne bëjmë thirrje që ky implementimi të shtyhet në mënyrë që të lejojë kohë të mjaftueshme për tranzicion efikas dhe për komunikim publik që të zbuten impaktet negative te qytetarët”, shkroi Hovenieri në Twitter.
