Ambasadori i Ukrainës në Shqipëri, Volodymyr Shukrov, ka kaluar momente të vështira shëndetësore, pasi pësoi një infarkt gjatë një vizite private në Voskopojë.

Fillimisht, diplomati u dërgua në spitalin e Korçës, ku mori ndihmën e parë mjekësore. Për një trajtim më të specializuar, ai u transportua me helikopter drejt Tiranës, i shoqëruar nga një mjek i spitalit rajonal dhe bashkëshortja e tij.

Në një spital privat të kryeqytetit, Shukrov iu nënshtrua ndërhyrjeve të nevojshme dhe aktualisht ndodhet jashtë rrezikut për jetën.

Ambasadori ndodhej në Voskopojë për një vizitë joformale, kur papritur u ndje keq, duke alarmuar të afërmit dhe stafin shëndetësor.