Ambasadorja Amerikane Yuri Kim ka bërë një tjetër paralajmërim për shit-blerësit e votës, 10 ditë para zgjedhjeve të 25 prillit në Shqipëri.

Ambasadorja theksoi se demokracia shqiptare është në drejtimin e duhur, ndërsa përsëriti se SHBA nuk mbështet asnjë parti apo kandidat të caktuar politik.

“Është pjesë e përpjekjeve të mia që të shikoj sa më shumë nga Shqipëria veçanërisht duke pasur parasysh se jemi para zgjedhjeve të 25 prilli. Unë jam një person shumë i drejtpërdrejt dhe ju siguroj që nëse do të doja që ju të votonit për dikë do ua thosha, dhe jo një mesazh të fshehur. SHBA-të nuk mbështesin një parti të caktuar apo kandidat të caktuar.

E vetmja gjë që mbështesim është e drejta e popullit shqiptar që të shprehin të drejtën e tyre me votë. E vetmja që mbështesim është e drejta e shqiptarëve që të shprehin të drejtën e tyre me votë. Dhe paralajmërojmë kundër kujtdo, duke blerë apo shitur votën. Votuesit ta mbajnë mend që kanë fuqinë dhe përgjegjësinë. Jam e frymëzuar sepse sot në Vlorë jam takuar me disa përfaqësues të shoqërisë civile, që e bën të qartë që në një demokraci shoqëria civile ka një rol të rëndësishëm“, tha Yuri Kim.