Aktorja dhe komediania e njohur Amy Schumer ka ndarë me ndjekësit e saj një foto të re nga udhëtimi në Las Vegas, ku shfaqet dukshëm më e dobët, duke tërhequr vëmendjen dhe vlerësimet e fansave për transformimin e saj fizik.

Schumer ka folur shpesh për betejën me peshën dhe për përvojat e saj me trajtime të ndryshme, përfshirë përdorimin e ilaçit “Ozempic”, të cilin e përshkroi si “një përvojë të tmerrshme”. “E provova Ozempicun pothuajse tre vjet më parë dhe isha e shtrirë në shtrat. Po villja dhe nuk kisha energji, por të tjerë po e marrin dhe duken mirë”, ka rrëfyer ajo, duke shtuar se efektet anësore e detyruan ta ndërpriste trajtimin.

Aktorja 43-vjeçare ka pranuar gjithashtu se në vitin 2022 i është nënshtruar një ndërhyrjeje liposuksioni, duke theksuar se nuk ka dashur kurrë të fshehë asgjë nga publiku. “Kur vendosa të bëja liposuksion, e thashë publikisht. Ji e sinqertë me njerëzit,” është shprehur ajo në emisionin “Watch What Happens Live”.

Së fundmi, Schumer ka zbuluar se ka gjetur një kombinim ilaçesh që i ka dhënë rezultate të qëndrueshme, ndërsa theksoi se transparenca për shëndetin dhe trupin mbetet prioritet për të. “Të gjithë bëjnë diçka para kamerave. Unë thjesht doja të isha e sinqertë për këtë,” u shpreh ajo.