Psikiatri Neli Demi, duke analizuar krimin e rëndë në Shënavlash të Durrësit, ku tre persona vranë babanë e tyre, Pëllumb Meta, shprehu vështirësinë për të arritur në një përfundim për situatën e tyre.

“Duhet një fantazi shumë e madhe për të imagjinuar se çfarë po ndodh brenda tyre. Në përgjithësi ata që kryejnë krime ndjenë tensionin e krimit të kryer dhe reagojnë me pendesë ose keqardhje. Në pjesën më të madhe të rasteve, krimet nuk paramendohet. Kemi të bëjmë me tre persona dhe që të kalosh në përfundime për çrregullim të personalitetit tek tre persona të së njëjtës familje është pak e vështirë. Në rast se imagjinojmë një ngarkesë të gjatë frike, dhune dhe terrori momentalisht ndihen të çliruar dhe me kalimin e kohës do ta ndjenë peshën e ngjarjes,” tha Demi.