Ministrja e Arsimit, Ogerta Manastirliu, ka bërë një analizë vjetore të arsimit, duke përfshirë rezultatet e testimin PISA 2022. Nga analiza ka rezultuar se aftësitë e 15-vjeçarëve shqiptarë kanë përkeqësuar në krahasim me vitin e kaluar. Ministria ka njoftuar se ka hartuar një plan për përmirësimin e rezultateve në testimin e ardhshëm PISA 2025, duke filluar zbatimin e menjëhershëm të këtij plani.
Ministrja Manastirliu theksoi se plani përfshin një sërë aktivitetesh dhe veprimtarish që do të angazhojnë të gjithë aktorët në fushën e arsimit. Analiza e rezultateve ka nxitur një qasje të personalizuar për secilën shkollë pjesëmarrëse në PISA 2022, me qëllim identifikimin e dobësive specifike. Trajtimi i mësuesve për testimet ndërkombëtare dhe hartimi i materialeve mbështetëse për përmirësimin e mësimdhënies janë pjesë e planit të propozuar nga Ministria e Arsimit.
Pas një periudhe 4-vjeçare nga rezultatet e programit PISA 2018, Shqipëria ka përjetuar një përkeqësim të aftësive të nxënësve 15-vjeçarë në lëndën e matematikës, leximit dhe shkencës sipas rezultateve të PISA 2022. Në këtë kontekst, vendi ka zënë vendin e 62 në një total prej 80 vendeve që kanë marrë pjesë në testim, duke vijuar një trend të ngjashëm me rezultatet e vitit 2018.
Ne kemi hartuar një plan me synim përmirësimin e rezultateve në testimin e ardhshëm PISA 2025. Ky plan synon zbatimin e menjëhershëm, nga ky muaj. Përfshin një serë aktivitetesh dhe veprimtarish dhe hapa konkrete që bëjnë bashkë të gjithë aktoret në fushën e arsimit dhe një ndërveprim maksimal I agjencive tona, dhe padyshim fuqizimi I angazhimit mësues-nxënës.
E para, ashtu siç kemi analizuar rezultatet e përgjithshme, detyra e parë është analizimi i secilës shkollë pjesëmarrëse në PISA 2022, të angazhimit të stafeve për të identifikuar specifikisht dobësitë specifikime, në zhvillimin më pas të strategjive të përshtatshme për përmirësim.
Trajtimi i mësuesve është një shkallë e rëndësishme, trajnimi është për testimet ndërkombëtare në raport edhe me kuptueshmërinë, edhe me angazhimin por edhe me trajnimin sa u përket dijeve dhe aftësive pedagogjike duhet bërë në vazhdim.
Organizimi i trajnimeve dhe mentorimeve periodike për mësuesit e gjuhës, leximit, matematikës, gjuhës shqipe dhe shkencave do të realizohet nëpërmjet materialeve mbështetëse, të cilat janë duke u hartuar për përmirësimin e mësimdhënies në këto fusha dhe përgatitja e një kornize të detajuar të përmbajtjes së testimeve ndërkombëtare, me qëllim që institucionet arsimore të mundet të integrojnë filozofinë e këtyre testimeve në punën e tyre me nxënësit në mënyrë periodike”, deklaroi ministrja.
