Ditët e fundit, mediat rozë kanë qarkulluar lajme se modelja shqiptare Angela Martini po i jep fund martesës me bashkëshortin rumun, miliarderin Dragos Savulescu.

Megjithatë, pavarësisht spekulimeve, Angela vazhdon të ruajë në rrjetet sociale të gjitha momentet e veçanta me partnerin e saj, me të cilin çifti ka edhe një djalë. Asnjë foto apo video e përbashkët nuk është fshirë, gjë që ka hedhur dyshime mbi vërtetësinë e zërave për ndarje.

Ky fakt ka bërë që shumë ndjekës të mendojnë se lajmet mund të jenë thjesht një zhurmë mediatike, derisa vetë çifti të zgjedhë të reagojë publikisht.

Për momentin, në mungesë të një deklarate zyrtare nga Martini apo Savulescu, mbetet për t’u parë nëse thashethemet do të konfirmohen, apo do të rezultojnë vetëm një tjetër spekulim i medias rozë.