Shqipëria po përballet prej ditësh me reshje intensive shiu, të cilat kanë shkaktuar problematika serioze në rrugët e vendit, duke dëmtuar veçanërisht aksin e njohur si autostrada Thumanë–Kashar, e ndërtuar me kosto rekord për buxhetin e qytetarëve shqiptarë.
Rruga, e quajtur shpesh “autostrada e arit”, ka kushtuar 59 milionë euro për kilometër, me një fitim të garantuar prej 1.56 miliardë eurosh, por reshjet e dendura e kanë çarë në disa segmente, duke treguar një kontrast dramatik mes kostoje dhe qëndrueshmërisë.
Për ta kuptuar absurdin e situatës sipas SPAK:
• 59 euro për milimetër rrugë
• 590 euro për centimetër rrugë
• 59.000 euro për metër rrugë
• 59 milionë euro për kilometër rrugë
Ekspertët paralajmërojnë se as në Dubai, Zvicër apo SHBA nuk janë regjistruar kosto të tilla për kilometër rrugë. Çarja e rrugës ka nxitur shqetësim të madh për qytetarët dhe ka rihapur pyetjen për transparencën dhe menaxhimin e fondeve publike, ndërsa SPAK ka bërë apel për verifikimin e përgjegjësive.
