Ish–Miss Albania Angela Martini rikthehet në vëmendje me një intervistë ekskluzive për Daily Mail, ku sqaron më në fund historinë e bujshme të vitit 2011, kur u fotografua sikur po puthte në buzë ish-presidentin amerikan Donald Trump, asokohe të martuar me Melania Trump.

“Ishte thjesht iluzion optik”
Ngjarja ndodhi gjatë një fotosesioni të Miss Universe në New York. Fotot krijuan përshtypjen e një puthjeje, por Martini thotë se realiteti ishte krejt tjetër.

“Ishte vetëm një puthje në faqe. Këndi i kamerës krijoi një iluzion optik,” — sqaron ajo.

Ajo kujton se në Miss Universe 2010 ishte ndier e nënvlerësuar për shkak të “favorizimeve”, derisa Trump e vuri re rastësisht.

“Ai ishte shumë korrekt, profesional dhe i sjellshëm. Nuk flirtuan kurrë.”

Martini thotë se fotoja u keqinterpretua, duke e vendosur në qendër të paragjykimeve, por ajo ruajti qetësinë sepse “e njihte të vërtetën”.

Ajo thekson se edhe vite më vonë, kur u takuan me Trump dhe Melanian, marrëdhënia ka qenë miqësore dhe respektuese.

⸻

Romanca e papritur me Kanye West

Angela Martini zbulon se ka pasur një lidhje të shkurtër me Kanye West pas Miss Universe.

Reperi, i magjepsur prej saj pasi e kishte parë në një tapet të kuq, e kontaktoi për një drekë në New York dhe më pas e ftoi në studio për të dëgjuar projektet e tij.

Por lidhja u shua shpejt.

“Ai më thoshte: ‘Si mund të mërzitesh me mua?’. Unë i thosha: ‘Nuk dua të rri gjithë ditën duke dëgjuar muzikë’. Dua të jetoj jetën time.”

Kanye i telefonoi vetë për t’i thënë se duhej të shkëputeshin, pasi po fillonte një lidhje me Kim Kardashian.

⸻

Martesa, betejat dhe divorci i fundit

Angela u martua më vonë me biznesmenin rumun Dragos Savulescu, i cili për vite u përball me akuza të rënda, por përfundimisht u shpall i pafajshëm.

Në tetor, Martini dorëzoi kërkesën për divorc.

“Historia jonë ishte e bukur, intensive dhe e vështirë. Luftuam kundër një sistemi. Por pesha ishte shumë e rëndë. Vendosa të bëja atë që ishte më e mira për mua.”