Aktorja Anila Bisha ka depozituar një padi në Gjykatën Administrative kundër Këshillit të Ministrave, kompanisë Apel shpk, AKSHI-së dhe kryeministrit Edi Rama. Padia lidhet me përdorimin e imazhit dhe zërit të saj për avatarin e ministres virtuale Diella, duke shkelur sipas saj kushtet e kontratës, e cila e autorizonte vetëm për rolin e asistente virtuale në shërbimet e e-Albania.

Përmes një kërkese për sigurim padie, Bisha kërkon që të ndalohet përdorimi i të dhënave të saj personale deri në përfundimin e shqyrtimit gjyqësor. Aktorja argumenton se veprimet e palëve të përfshira po i shkaktojnë një dëm të madh dhe të pakthyeshëm.

“Si rrjedhojë e veprimeve të palës së tretë, asaj i është shkaktuar një dëm i menjëhershëm dhe i pakthyeshëm,” theksohet në dokumentet e depozituara në gjykatë.