Këngëtarja e njohur Anxhela Peristeri ka ndarë së fundmi mendimet e saj për jetën personale, dashurinë dhe marrëdhëniet, gjatë një interviste të hapur.

Ajo ka treguar se pyetjet për martesën dikur e shqetësonin, por tani i përballon me qetësi dhe maturi. Sipas saj, kureshtja e njerëzve shpesh buron nga dashuria dhe jo nga dashakeqësia.

“Dikur i përjetoja disi keq kur më pyesin për martesën, por tani nuk i përjetoj fare. Shumë shqiptarë e bëjnë këtë pyetje edhe nga dashuria, jo nga dashakeqësia. Ashtu si të bëjnë përshtypje gjërat kur je 20 apo 25 vjeçe, nuk të bëjnë kur je 40”, tha ajo.

Në lidhje me tradhtinë, këngëtarja zbuloi se e ka përjetuar jo vetëm në marrëdhëniet personale, por edhe nga shoqëria.

“Më kanë tradhtuar. Mendoj që tradhtia vjen kur nuk je e lumtur. Ka edhe tradhti shoqërore. Shoqëria më ka tradhtuar shumë. Nuk më kanë bërë ndonjë gjëmë të madhe. Me të gjithë artistët flas, nuk i kam prishur marrëdhëniet. Edhe kur e kuptoj kur po më bëhet ‘puci’, nuk i jap shumë rëndësi”, shtoi ajo.

Megjithatë, Anxhela konfirmoi se akoma nuk ka veshur fustanin e bardhë, duke treguar se pyetjet për martesën mbeten një temë kurioziteti për publikun, por nuk ndikojnë në qetësinë e saj personale.