GJKKO ka rrëzuar kërkesën e ish-gjyqtares Pajtime Fetahu për lirimin e saj nga qelia, e cila e kishte arsyetuar kërkesën për shkaqe shëndetësore. Fetahu, e cila ka qenë e lidhur me organizata kriminale të njohura si ato të Hajdar Çopjas dhe Suel Çelës, akuzohet për përfshirje në veprimtari të paligjshme.

Sipas SPAK, ish-gjyqtarja dyshohet se ka pasur lidhje me vëllezërit Franc dhe Hajdar Çopja, dhe ka ndihmuar këtë grup kriminal duke u dhënë informacione sekrete. Ajo dyshohet se ka marrë një shumë prej 11 mijë eurosh dhe një monedhë floriri, ndërkohë që priste edhe një aparat celular nga anëtarët e grupit “Çopja”.

Fetahu u akuzua për korrupsion dhe dha dorëheqjen nga sistemi i drejtësisë më 16 nëntor 2022, disa ditë para se të niste procesi i Vettingut. Kjo kërkesë për lirimin e saj u refuzua nga Apeli, duke mbajtur në fuqi masën e sigurisë.