Gjiganti teknologjik Apple ka nxitur përdoruesit e iPhone të përditësojnë menjëherë sistemin e tyre operativ në versionin e ri iOS 26.3 për shkak të një paralajmërimi urgjent të sigurisë.

Sipas raportimeve të Daily Mail, përditësimi korrigjon 39 dobësi të rëndësishme të sigurisë, disa prej të cilave mund të lejojnë sulmuesit të aksesonin të dhëna personale apo edhe të fitonin kontroll të pjesshëm mbi pajisjen.

Raportet e sigurisë tregojnë se disa nga këto cenueshmëri mund të jenë shfrytëzuar tashmë në sulme të targetuara, gjë që e bën përditësimin edhe më urgjent. Apple thekson se instalimi i përditësimeve të sigurisë është thelbësor për mbrojtjen e privatësisë dhe integritetit të të dhënave të përdoruesve.

Përdoruesit rekomandohet të hyjnë te “Settings” → “General” → “Software Update” në pajisjet e tyre për të shkarkuar dhe instaluar versionin e fundit të sistemit.