Arabia Saudite ka konfirmuar se gjatë Kampionatit Botëror të Futbollit 2034, i cili do të organizohet në pesë qytete saudite, alkooli nuk do të shitet.

“Përkundrazi si moti ynë, është një vend i thatë. Për momentin, ne nuk e lejojmë alkoolin, por shumë argëtim mund të bëhet pa të. Nuk është 100 për qind e nevojshme,” tha ambasadori saudit në Mbretërinë e Bashkuar, Princi Khalid bin Bandar bin Sultan Al Saud, gjatë një interviste për “LBC News”.

Ai theksoi se Arabia Saudite është e gatshme të presë vizitorët ndërkombëtarë, por pa ndryshuar kulturën dhe rregullat e saj për ta.

Në dhjetor 2024, FIFA shpalli zyrtarisht Arabinë Saudite si organizatore të Kupës së Botës 2034 për meshkuj, duke e bërë vendin e dytë në Lindjen e Mesme që pret këtë turne, pas Katarit në vitin 2022.

Turneu do të zhvillohet në 15 stadiume të vendosura në pesë qytete kryesore: Jedah, Khobar, Abha, kryeqytetin Riad dhe në qytetin futuristik të planifikuar, Neom.