Pas më shumë se dy vitesh mungesë nga ekrani, moderatorja e njohur Arbana Osmani është gati për një rikthim të bujshëm televiziv. Sipas burimeve, TV Klan është televizioni ku ajo pritet të shfaqet në sezonin e ri televiziv që nis në shtator.

Një takim i zhvilluar javën e kaluar thuhet se ka vendosur themelet e një bashkëpunimi të ri, ndërsa marrëveshja përfundimtare ende nuk është zyrtarizuar. Megjithatë, sinjalet janë pozitive dhe gjithçka tregon se Arbana i ka thënë “Po” një oferte të majme për t’u rikthyer në ekran.

Ndërkohë, ende nuk është vendosur formati që ajo do të drejtojë. Mes variantëve të diskutuar, përflitet edhe një emision me histori reale, i ngjashëm me ato që Osmani ka moderuar në të kaluarën dhe që kanë rezultuar shumë të suksesshme.

Zyrtarizimi pritet të vijë në javët e ardhshme, por ajo që dihet me siguri është se publiku do ta shohë sërish Arbanën në ekran, këtë herë në një shtëpi të re televizive.