Arben Ahmetaj u paraqit në ambientet e Prokurorisë së Posaçme, ku u pyet për rreth 6 orë nga oficerët e BKH-së. Ahmetaj u pyet si person nën hetim, në kuadër të hetimeve që po kryen SPAK ndaj Ahmetajt për 4 akuza, për shpërdorim detyre, korrupsion, pastrim parash dhe përfitime të paligjshme.
Ishte ora 12:00 kur Ahmetaj u paraqit në SPAK për t’u marrë në pyetje si person në hetim i shoqëruar edhe nga avokati tij Henrik Ligori. Pas rreth 6 orësh, ora shënoi 17:36 kur Ahmetaj la ambientet e SPAK, por për gazetarët refuzoi të japë detaje të shumta, duke theksuar se vetëm kishte ardhur për të sqaruar pozicionin e tij. I pyetur nga gazetarët nëse do të paraqitet sërish, ai tha se sa herë të jetë e nevojshme. Ndërkohë, pyetjes nëse i druhet arrestimit ish-ministri i Financave preferoi të mos i përgjigjet.
“Sqaruam pozicionin. Do vini sërish? Sa herë të duhet”, tha Ahmetaj.
