Policia e Tiranës ka vënë në pranga shtetasin Dervish Hasi, duke e akuzuar për shfrytëzim seksual të një vajze 16-vjeçare gjatë një periudhe dyvjeçare. Fotografitë tregojnë se Hasi kishte përdorur vajzën si një objekt për prostitucion.

Mësohet se shtetasi Dervish Hasi, i njohur si besimtar mysliman, kishte përdorur vajzën 16-vjeçare si bashkëshorten e tij të katërt. Në shtëpinë e tij, ku jetonte me tre gra të tjera, dyshohet se ka ndodhur shfrytëzimi seksual i vajzës në intervale të shkurtra kohore, 3 deri në 4 ditë.

Ngjarja ngre shqetësime të mëdha për komunitetin lokal, ndërsa autoritetet planifikojnë të kryejnë akt-ekspertizën për të konfirmuar marrëdhënien seksuale mes Dervish Hasit dhe vajzës 16-vjeçare.

Me vajzën ai është njohur që kur ajo ishte 14-vjeçe.

Hasi është një person i njohur për policinë, pasi ka qenë edhe i hetuar nga SPAK.

Prokuroria e Posaçme, kishte dyshime se ishte i përfshirë në grupin që furnizonte me tritol dhe armë snajper kriminelë brenda dhe jashtë vendit.