Një sasi rekord prej 31 tonësh kanabis është sekuestruar nga policia në Marok, në një operacion që është konsideruar më i madhi i viteve të fundit.

31 ton dhe 197 kilogramë kanabis u gjetën brenda paketimeve të frutave dhe perimeve, një taktikë kjo mjaft e njohur e trafikantëve.

Forcat e policisë kryen operacionin në një magazinë të vendosur në zonën “Bdriyoun” pranë “Rabat Road” në periferi të Tanger-it, thuhet në deklaratë.

Pas një kontrolli në magazinë, policia sekuestroi një rimorkio të madhe ftohëse që ruante dhjetëra pako kanabisi.

Policia gjeti kanabis të mbushur brenda arkave të perimeve dhe frutave.

Policia arrestoi edhe një të dyshuar mashkull 61-vjeçar me precedentë penalë. Ata besojnë se ai mund të jetë i përfshirë në një rrjet ndërkombëtar të trafikut të drogës.

Hetimi do të kërkojë të identifikojë listën e plotë të të dyshuarve të përfshirë në operacionin e trafikut të drogës si dhe të vlerësojë shtrirjen kombëtare dhe ndërkombëtare të rrjetit kriminal.

Ky operacion është në përputhje me përpjekjet e vazhdueshme autoriteteve vendase për të çmontuar rrjetet kriminale aktive në nivel kombëtar dhe ndërkombëtar, përfshirë ato të përfshira në trafikun e drogës.