Drejtoria e Përgjithshme e Burgjeve ka reaguar pas arratisjes së të burgosurit Daut Laze nga burgu i Shënkollit në Lezhë, mbrëmjen e së hënës.

Sipas njoftimit zyrtar, Laze ishte arrestuar më 16 nëntor 2021 dhe më vonë, me vendimin nr. 528 të Gjykatës së Tiranës, të datës 4 nëntor 2024, ndaj tij ishte caktuar masa e mjekimit të detyruar në një institucion të posaçëm mjekësor.

Pas arratisjes, stafi i policisë ka kryer një kontroll të menjëhershëm dhe ka konstatuar se i dënuari ka shfrytëzuar hapësirat e mundshme të institucionit për t’u larguar nga rrethimi.

“Ai ishte arrestuar më 16 nëntor 2021. Me vendimin nr. 528, akti datë 4 nëntor 2024, Gjykata e Shkallës së Parë të Juridiksionit të Përgjithshëm Tiranë kishte vendosur ndaj tij masën mjekësore “Mjekim i detyruar në një institucion mjekësor”, sipas nenit 46 të Kodit Penal.
Pas kontrollit të menjëhershëm nga stafi i policisë në institucion, është vërejtur se ky shtetas me mjekim të detyruar ka shfrytëzuar hapësirat e mundshme të cilat janë në parametrat e institucionit të posaçëm mjekësor për tu larguar nga rrethimi i institucionit”, njoftoi sot Drejtoria e Përgjitshme e Burgjeve.