Gjykata e Shkallës së Parë e Juridiksionit të Përgjithshëm Gjirokastër ka caktuar masën e sigurisë “arrest me burg” për shtetasin Kelmend Kursa, i dyshuar për kryerjen e veprës penale “marrëdhënie seksuale ose homoseksuale me të mitur”, e parashikuar nga neni 100/2 i Kodit Penal.

Sipas Prokurorisë, Kursa akuzohet se ka abuzuar seksualisht me vajzën 12-vjeçare të partneres së tij.

Vendimi u mor këtë të martë, më 28 janar 2026, gjatë seancës gjyqësore të zhvilluar në orën 14:00. Trupi gjykues, i kryesuar nga gjyqtarja Orinda Lloshi, pranoi kërkesën e Prokurorisë së Gjirokastrës, duke e vlerësuar të ligjshëm arrestimin në flagrancë dhe duke caktuar masën shtrënguese “arrest në burg”, në zbatim të nenit 238 të Kodit të Procedurës Penale.