Policia e Bolzanos ka bërë një operacion të suksesshëm ku ka arrestuar një shqiptar dhe është nën hetim një tjetër për posedim dhe tregtim të lëndëve narkotike. Kontrolli i policisë u ushtrua në banesën e një 47-vjeçari shqiptar, i cili kishte disa dosje policore në ngarkim të tij.

Gjatë kontrollit, autoritetet gjetën një sasi të konsiderueshme lënde narkotike: 434 gramë kokainë, 1540 gramë hashash, dhe një shumë prej 10,750 euro, dyshohet se kanë ardhur nga veprimtaria e paligjshme.

Në një ngjarje të ndarë, shqiptari tjetër u kap me 89 gramë hashash dhe një shumë prej 8,000 euro. Për këtë të fundit, policia ka filluar procedurat penale për hetim të mëtejshëm. Autoritetet italiane janë të përkushtuara për luftën kundër trafikut të drogës dhe veprave të paligjshme në territorin e tyre.