Policia dhe prokuroria e Elbasanit kanë arrestuar disa pedagogë të Fakultetit të Ciklit të Ulët, të dyshuar për përfshirje në korrupsion aktiv dhe pasiv me studentët. Në këmbim të kalimit në lëndët ku kishin mbetur ngelës, studentët dyshohet se kanë paguar pedagogët për të marrë notat e nevojshme.

Sipas burimeve, çështja nisi pas një hetimi nga një emision investigativ, i cili më pas u mor në shqyrtim nga organet e drejtësisë në Elbasan. Si rezultat, u nxorën urdhra ndalimi për pesë pedagogë dhe një ndërmjetës, i cili dyshohet se ka ndërhyrë për të lehtësuar transaksionet korruptive mes studentëve dhe pedagogëve.

Emrat e Pedagogëve të Arrestuar sipas Viteve dhe Lëndëve:

Viti i Parë
1. Florinda Tarusha – Lënda: Filozofia e Edukimit të Fëmijërisë së Hershme
2. Monika Hodaj – Lënda: Edukimi gjinor në Fëmijërinë e Hershme
3. Ornela Bilali – Lënda: Praktikë Profesionale

Viti i Dytë
1. Ornela Bilali – Lënda: Arti dhe Krijimtaria në Fëmijërinë e Hershme
2. Zyhra Gripshi – Lënda: Puna me Familjen dhe Komunitetin
3. Adrian Shingjergji – Lënda: Edukimi Motorik dhe Lojërat Lëvizore
4. Beatriçe Gani – Lënda: Të Mësuarit nëpërmjet Lojës
5. Edlira Gugu – Lënda: Letërsi për Fëmijë

Gjithashtu, është arrestuar edhe Gazmend Hodaj, i cili dyshohet se ka qenë ndërmjetës për transaksionet mes studentëve dhe pedagogëve, duke shfrytëzuar lidhjet e tij në një lokal afër universitetit.