Një 23-vjeçar është arrestuar në Burrel pasi u kap duke qarkulluar i armatosur. Policia, pas marrjes së informacionit se ai lëvizte me armë, organizoi pika kontrolli për të lokalizuar automjetin e tij. Sapo drejtuesi i mjetit, i identifikuar si A.M., 23 vjeç, banues në Burrel, konstatoi një pikë kontrolli, ai hodhi pistoletën nga automjeti i tij mbi taracën e një lokali dhe u përpoq të largohej.

Arratisja e të riut nuk zgjati shumë, pasi ai u kap dhe u arrestua. Në cilësinë e provës materiale, policia sekuestroi një pistoletë, municion luftarak, fitil zjarrpërcjellës, një kapsollë detonator dhe automjetin tip “Benz” me të cilin ai po udhëtonte.

Materialet procedurale janë dorëzuar në Prokurorinë pranë Gjykatës së Shkallës së Parë të Juridiksionit të Përgjithshëm Dibër për veprime të mëtejshme.