Teksa policia e Tiranës konfirmoi se ka arrestuar 23 protestues, qytetarë, përfaqësues të shoqërisë civile kanë mbledhur te drejtoria e Policisë së Tiranës ku kërkojnë lirimin e të arrestuarve.
Për ta, kjo nuk është më një protestë vetëm për naftën por për rritjen e të gjitha çmimeve në vendin tonë.
Ndërkohë, pedagogu Ervin Goci tha se Rama bëri sot një sjellje të shëmtuar me furnizuesit e naftës, duke shtuar se iu dha mesazhin duke treguar se; i ka në dorë.
“Ata arrestojnë aktivistë, juristë, që i shërbejnë kauzave të devotshme të vendit. Nëse flasin për konferenca për dialog, ajo që po mbizotëron dhuna. Nuk kemi ardhur që t’i japim sandiuçin, por që t’i themi se jemi bashkë. Universitarë, studentë po nisen për protestë. Baza nuk është Tirana, por e gjithë Shqipëria. Nafta nuk është rritur as në Ukrainë, atje ku bjenë predha.
Njerëzit që dalin në protesta e drejtojnë shtetin. Ata që marrin vendime në tavolina janë sulltanë, që duan të ndajnë copën e tortës. Ju bëj thirrje qytetarëve që të vijnë të na bashkohen.” – tha Goci.
