Dy persona janë arrestuar në flagrancë në qytetin e Durrësit, të dyshuar për shpërndarje lëndësh narkotike në doza. Policia njoftoi se shërbimet e Seksionit për Hetimin e Narkotikëve, në kuadër të operacionit policor të koduar “Zona”, lokalizuan dhe ndaluan shtetasit Ermiri Murataj, 33 vjeç, dhe Xhordjan Debrova, 19 vjeç, të dy banues në lagjen nr. 13 të qytetit.

Gjatë kontrollit të ushtruar ndaj tyre, u sekuestruan dhjetëra doza me lëndë narkotike, të cilat shërbejnë si prova materiale për hetimin.

Materialet procedurale u referuan Prokurorisë për veprime të mëtejshme ligjore, ndërsa hetimet vijojnë për të zbuluar nëse dy të arrestuarit janë pjesë e një rrjeti më të gjerë shpërndarjeje droge në zonë.