Policia e Kamzës ka arrestuar një 17-vjeçar të dyshuar për shitjen e lëndëve narkotike në zona të ndryshme të kryeqytetit. Arrestimi u krye pas informacioneve operative që tregonin se i riu siguronte lëndën narkotike të llojit kanabis sativa, e ndante atë në doza dhe e shiste në Tiranë.

Operacioni “Shop”

Në kuadër të operacionit policor të koduar “Shop”, shërbimet e Komisariatit të Policisë Nr. 5 organizuan dhe finalizuan kapjen e të dyshuarit. Gjatë kontrolleve, policia sekuestroi në cilësinë e provës materiale sasi lënde narkotike, shuma parash të dyshuara të përfituara nga shitja e drogës, një çelës automjeti dhe një celular.

Deklarata e Policisë

Policia njoftoi se:
“Shërbimet e Komisariatit të Policisë Nr. 5, në vijim të punës për goditjen e veprimtarisë kriminale të shitjes së lëndëve narkotike dhe në zbatim të masave të përcaktuara në planin operacional ‘Tempulli 3’, kanë organizuar dhe finalizuar operacionin policor të koduar ‘Shop’. Në kuadër të këtij operacioni u bë kapja dhe arrestimi i një 17-vjeçari, banues në Kamëz. Ky shtetas dyshohet se pasi siguronte sasi lënde të dyshuar narkotike cannabis, e ndante atë në doza, të cilat më pas i shiste në zona të ndryshme në kryeqytet. Në cilësinë e provës materiale u sekuestruan sasi lënde e dyshuar narkotike cannabis, shuma parash të dyshuara të përfituara nga shitja e saj, një çelës automjeti dhe një celular”.