Një 23-vjeçar është arrestuar nga policia e Lezhës pasi u kap duke qarkulluar i armatosur me automjet. Sipas uniformave blu, i riu u ndalua në fshatin Mabë, gjatë kontrollit të automjetit tip BMW, ku iu gjet një armë zjarri pistoletë, me krehër dhe municion luftarak.

Operacioni i koduar “AKSI” u finalizua nga Sektori i Policisë Rrugore në bashkëpunim me Forcën e Posaçme “Shqiponja”, pas informacioneve se i riu lëvizte i armatosur.

Pas arrestimit, policia ushtroi kontroll edhe në banesën e 23-vjeçarit në lagjen “Salo Halili” në Shkodër, ku u gjet dhe u sekuestrua një sasi e vogël kanabis.

Në përfundim të veprimeve hetimore, në pranga përfundoi Xh. C., 23 vjeç, i cili akuzohet për:
• Mbajtje pa leje të armëve dhe municionit,
• Prodhim dhe shitje të narkotikëve.

Materialet procedurale i janë referuar Prokurorisë së Lezhës për veprime të mëtejshme.