Një 26-vjeçar shqiptar është arrestuar pas akuzave se ka përndoqur një 32-vjeçare për rreth një muaj përmes një llogarie false në rrjetin social Instagram. Shtetasi me inicialet F. H. është hedhur pas hekurave pas veprave të tilla.
Njoftimi i Policisë bën të ditur se specialistët për Hetimin e Krimeve Kompjuterike të Drejtorisë Vendore të Policisë Durrës kanë organizuar një operacion pas kallëzimit të një 32-vjeçareje, e shoqëruar nga një gazetare e emisionit “Piranjat”. Sipas kallëzueses, ajo ka qenë viktima e një përndjekjeje në rrjetet sociale.
Shërbimet e Policisë kanë kapur dhe vënë në pranga shtetasin F. H., i cili ishte i dënuar më parë për veprën penale “Përndjekja”. Ai dyshohet se ka përndjekur një shtetase 32-vjeçe duke përdorur një llogari false në Instagram për një periudhë njëmujore. Materialet procedurale janë dërguar tek Prokuroria pranë Gjykatës së Shkallës së Parë të Juridiksionit të Përgjithshëm Durrës për veprime të mëtejshme në kuadër të veprave penale “Përndjekja” dhe “Ndërhyrje të padrejta në jetën private”.
Policia falënderon gazetarët e emisionit “Piranjat” për denoncimin e rastit dhe fton median dhe qytetarët që të kallëzojnë çdo akt të paligjshëm që hasin. Autorët e këtyre veprimeve do të përballen me pasojat ligjore të veprave të tyre.
Njoftimi i policise:
Përndoqi për rreth 1 muaj, një 32-vjeçare, nëpërmjet një llogarie false në rrjete sociale, vihet në pranga menjëherë pas kallëzimit, 26-vjeçari. I arrestuari, i dënuar më parë për përndjekje. Specialistët për Hetimin e Krimeve Kompjuterike të Drejtorisë Vendore të Policisë Durrës, menjëherë pasi një 32-vjeçareje, e shoqëruar nga një gazetare e emisionit “Piranjat”, kallëzoi se përndiqej në rrjete sociale, kanë organizuar punën për të arrestuar autorin.
Shërbimet e Policisë kapën dhe vunë në pranga shtetasin F. H., 26 vjeç, banues në fshatin Radë Manzë, i dënuar më parë për veprën penale “Përndjekja”, pasi dyshohet se për një periudhë njëmujore, ka përndjekur një shtetase 32 vjeçe, nëpërmjet një llogarie false në rrjetin social Instagram. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprat penale “Përndjekja” dhe “Ndërhyrje të padrejta në jetën private”.
Policia falënderon gazëtarët e emisionit “Piranjat”, për denoncimin e rastit, si dhe fton ata, median dhe qytetarët që të kallëzojnë çdo paligjshmëri që hasin. Reagimi ndaj autorëve të tyre do të jetë i menjëhershëm dhe me ashpërsinë e ligjit.
