Tiranë – Një 28-vjeçar me inicialet A.M., banues në fshatin Pezë e Vogël, është arrestuar nga policia e Tiranës për armëmbajtje pa leje.

Sipas njoftimit të Policisë së Tiranës, gjatë operacionit të koduar “Stairs”, i arrestuari u kap në flagrancë dhe në banesën e tij u gjet e fshehur një pistoletë që mbahej pa leje në papafingo.

“Materialet procedurale iu referuan Prokurorisë së Tiranës për veprime të mëtejshme,” njofton policia.

Në operacion u sekuestruan arma e zjarrit dhe celulari i të arrestuarit. Policia thekson se operacioni u zhvillua në kuadër të kontrolleve dhe punës operative për të kapur shtetas që cënojnë sigurinë e qytetarëve duke mbajtur armë pa leje.