Një 30-vjeçar është arrestuar nga policia e Sarandës, teksa dyshohet se shiste kanabis të ndarë në doza gati për shitje. Operacioni u organizua dhe finalizua nga specialistët e Seksionit për Hetimin e Narkotikëve të Komisariatit të Sarandës, nën kodin “Meantime”.

I arrestuari, A. M., banues në Sarandë, u kap në flagrancë duke qarkulluar me automjet në qytet, ndërsa kishte me vete sasi kanabisi për shitje. Një pjesë e lëndës narkotike iu gjet në automjet dhe një pjesë tjetër në banesë.

Sipas policisë, gjithashtu u sekuestruan automjeti i përdorur nga i arrestuari dhe një peshore elektronike. Materialet procedurale iu referuan Prokurorisë për veprime të mëtejshme.