Një 30-vjeçar, Klaudjo Lamaj, është arrestuar në Tiranë, pasi u kap duke lëvizur me armë zjarri dhe municion luftarak në automjetin e tij. Ngjarja ndodhi në rrugën “Bajram Curri”, ku Lamaj po qarkullonte me një makinë të blinduar tip “Audi” me targa gjermane.

Shërbimet e Policisë së Komisariatit Nr. 1, në bashkëpunim me Forcën e Posaçme “Shqiponja”, arritën të lokalizojnë dhe ndalojnë automjetin e tij pas marrjes së informacionit nga inteligjenca informative për një shtetas të armatosur. Gjatë kontrollit të automjetit, u gjet një pistoletë me krehër dhe municion luftarak, të cilat u sekuestruan si prova materiale.

Policia njoftoi se operacioni, i koduar “Befasia”, përfundoi me sukses dhe automjeti i blinduar, së bashku me armën dhe një telefon celular, u sekuestruan. Klaudjo Lamaj akuzohet për “Mbajtje pa leje dhe prodhimi i armëve, armëve shpërthyese dhe i municionit”, dhe për këtë do të përballet me drejtësinë.