Policia ka arrestuar 34 vjeçarin Ervin Lamaj në Gjirokastër pasi ai po transportonte ilegalisht 6 emigrantë me makinën e tij pa leje drejtimi.

Sipas njoftimit zyrtar, mësohet se është sekuestruar makina tip “Ford” dhe një apart celular.

Njoftimi i policisë:

DVP Gjirokastër

Finalizohet me sukses operacioni policor i koduar “Road Guard 48”.

Tansportonte 6 emigrantë të paligjshëm, me një automjet që e drejtonte pa leje drejtimi, arrestohet në flagrancë 34-vjeçari.

Sekuestrohen 1 automjet dhe 1 aparat celular.

Specialistët e Seksionit për Hetimin e Trafiqeve të Paligjshme të DVP Gjirokastër, në bashkëpunim me Sektorin e Policisë Rrugore, në vijim të punës për goditjen e aktivitetit kriminal të dhënies ndihmë shtetasve të huaj, për kalim të paligjshëm të kufirit, kundrejt fitimit, bazuar në inteligjencë informative, kanë organizuar dhe finalizuar me sukses operacionin policor të koduar “Road Guard 48”, si rezultat i të cilit u bë arrestimi në flagrancë i shtetasit E. L., 34 vjeç, banues në Mallakastër.

Në vendin e quajtur “Shkalla e zezë”, Tepelenë, shërbimet e Policisë kanë kapur në flagrancë shtetasin E. L., i cili po transportonte me automjetin tip “Ford”, që e drejtonte pa leje drejtimi, 6 emigrantë të paligjshëm nga vendet MENA, kundrejt fitimit.

Në cilësinë e provës materiale u sekuestruan automjeti dhe 1 aparat celular.

Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.