Një 54-vjeçar është arrestuar nga policia e Divjakës, nën akuzën e plagosjes me thikë të një 23-vjeçari, në bashkëpunim me djalin e tij. Ngjarja ka ndodhur për motive të dobëta, sipas raportimeve.

Policia njofton se 27-vjeçari, djali i të arrestuarit, është shpallur në kërkim për rolin e tij në incident.

Njoftimi i policisë:

“Komisariati i Policisë Divjakë arrestoi shtetasin 54-vjeçar, banues në Divjakë dhe shpalli në kërkim djalin e tij, shtetasin 27-vjeçar, pasi dyshohet se mbrëmjen e datës 03.07.2024, në fshatin Çermë-Shkumbin, kanë goditur me mjet prerës (thikë), për motive të dobëta, shtetasin 23-vjeçar, i cili ndodhet në spital, në kujdesin e mjekëve.”

Materialet procedurale i janë dorëzuar Prokurorisë për veprime të mëtejshme.