Policia ka arrestuar Flordian Mulaj, 33 vjeç, i dyshuar për vrasjen e Artur Dautit, ngjarje që ndodhi më 22 nëntor 2024 në fshatin Dojan, Tropojë. Mulaj u lokalizua dhe u arrestua pas një periudhe kërkimesh intensive në një banesë të braktisur në bjeshkët e fshatit Markaj, ku ishte fshehur pas ekzekutimit të Dautit.
Sipas policisë, ngjarja ndodhi pasi autori dhe viktima kishin pasur një sherr në një lokal, të dy nën ndikimin e alkoolit. Pas mosmarrëveshjes, Flordian Mulaj qëlloi me armë zjarri drejt Artur Dautit, duke e vrarë atë.
Hetimet për këtë ngjarje janë në vazhdim, ndërsa grupi hetimor, nën drejtimin e Prokurorisë pranë Gjykatës së Shkallës së Parë të Kukësit, po punon për dokumentimin e plotë ligjor të rastit.
Njoftimi:
Lokalizohet, kapet dhe vihet në pranga autori i dyshuar i vrasjes së ndodhur në fshatin Dojan.
Strukturat operacionale të DVP Kukës dhe ato të Komisariatit të Policisë Tropojë, si rezultat i kërkimeve dhe ndjekjes së pandërprerë policore, me mbështetjen e informacioneve të siguruara nga inteligjenca policore kanë bërë të mundur lokalizimin, kapjen dhe vënien në pranga të shtetasit F. M., 33 vjeç, banues në Bajram Curri.
33-vjeçari u lokalizua në një banesë të braktisur, në bjeshkët e fshatit Markaj.
Shtetasi F. M., dyshohet se më datë 22.11.2024, në fshatin Dojan, vrau me armë zjarri shtetasin A. D., 39 vjeç.
Grupi hetimor, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Kukës, vijon punën për dokumentimin e plotë ligjor të këtij rasti.
Si ndodhi ngjarja?
Flordian Mulaj, dyshohet se më 22 nëntor 2024, në fshatin Dojan, vrau me armë zjarri shtetasin Artur Dauti, 39 vjeç.
Detaje bënë me dije se autori dhe viktima, kanë qënë në lokal të dehur. Mes tyre ka pasur një sherr, nga ku më pas Flordian Mulaj, ka qëlluar drejt Artur Dautit me pistoletë.
Grupi hetimor, në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Kukës, vijon punën për dokumentimin e plotë ligjor të këtij rasti.
