Policia ka arrestuar inxhinierin Kristjan Moli, 33 vjeç, i cili është drejtues teknik në kompaninë ‘Dd Air Shpk’, pas një aksidenti fatal që ndodhi më 6 Shtator 2024 në rrugën ‘Bardhok Biba’ në Tiranë. Aksidenti ndodhi kur punëtori i ndërtimit Vasil Bardhi, 66 vjeç, ra nga një lartësi dhe humbi jetën në vendin e punës.

Arrestimi i Kristjan Molit është bërë për veprën penale të “Shkeljes së rregullave të mbrojtjes në punë”, sipas nenit 289 të Kodit Penal. Specialistët për Hetimin e Krimeve në Komisariatin e Policisë Nr. 3 kanë marrë në dorëzim 33-vjeçarin, i cili akuzohet për neglizhencë në mbikëqyrjen dhe zbatimin e rregullave të sigurisë gjatë punimeve ndërtimore.

Specialistët për Hetimin e Krimeve në Komisariatin e Policisë Nr. 3 arrestuan shtetasin K. M., 33 vjeç, banues në Lezhë, me detyrë inxhiner, drejtues teknik në një firmë ndërtimi, për veprën penale “Shkelja e rregullave të mbrojtjes në punë”, parashikuar nga neni 289 i Kodit Penal. Ditën e djeshme, ka rënë nga lartësia ku ishte duke punuar shtetasi V. B., i cili si pasojë e dëmtimeve të marra, ka ndërruar jetë.’