Një kamerier 24-vjeçar, Braian Paiz, është arrestuar nga autoritetet argjentinase, i dyshuar për furnizim me drogë për ish-yllin e One Direction, Liam Payne, para vdekjes së tij tragjike. Payne humbi jetën më 16 tetor 2023, pasi u rrëzua nga ballkoni i katit të tretë në hotelin Casa Sur në Buenos Aires.
Sipas Zyrës së Prokurorit Publik Argjentinas, Paiz dhe një punonjës tjetër hoteli, Ezequiel Pereyra, janë akuzuar për furnizim me drogë në dy raste, një vepër penale që mund të sjellë një dënim deri në 15 vjet burg.
Paiz u arrestua në shtëpinë e tij në Ingeniero Budge të premten, ndërsa policia bastisi dhe banesën e Pereyra-s, por nuk arriti ta arrestonte atë. Autoritetet vazhdojnë kërkimet për lokalizimin dhe arrestimin e tij.
Ngjarja tragjike ka tronditur fansat e këngëtarit në mbarë botën, ndërsa hetimet për zbardhjen e plotë të rrethanave të vdekjes së tij vazhdojnë.
