Vilson Pepa, i dyshuar si pjesë e një rrjeti kriminal ndërkombëtar të trafikut të drogës, është arrestuar në Amerikën Latine më 3 shtator 2025. Sipas burimeve zyrtare, në momentin e ndalimit, ai mbante me vete dokumente shqiptare dhe italiane, si dhe pesë aparate të enkriptuara dhe një shumë të konsiderueshme parash cash.
Prokuroria e Posaçme (SPAK), e cila e kishte shpallur në kërkim ndërkombëtar, njofton se Pepa lidhet ngushtë me një ngarkesë prej 11 tonë kokaine, përfshirë 600 kilogramë të sekuestruara në Roterdam, Holandë, në nëntor 2020. Po ashtu, ai dyshohet se ka financuar edhe një tjetër sasi prej 10 kilogramësh kokaine në të njëjtin qytet.
Sipas raporteve ndërkombëtare, Pepa ishte pjesë e një rrjeti kriminal transnacional që operonte midis Evropës dhe Amerikës së Jugut. Hetimet tregojnë se grupi përdorte portin Villetas të Paraguait si pikë nisjeje për dërgesat e drogës drejt Belgjikës dhe vendeve të tjera të BE-së.
Autoritetet presin ekstradimin e Pepës dhe bashkëpunimin me agjencitë ndërkombëtare për të zbuluar rrjetin e plotë të lidhjeve kriminale.
