Policia ka njoftuar arrestimin e një shqiptari me iniciale E. B, 46 vjeç, në Francë, i cili ishte shpallur në kërkim ndërkombëtar për shkak të një dënimi të dhënë në Shqipëri. Ai ishte dënuar me 5 vjet burg për prodhimin dhe shitjen e narkotikëve. Në vitin 2019, E. B. ishte kapur duke shitur 5 qese plastike me heroinë dhe pilula metadoni.

Operacioni i koduar “Five” është realizuar falë bashkëpunimit të ngushtë mes Policisë së Shtetit dhe homologëve të saj në Paris, përmes Interpol Tiranës. Pas arrestimit, ai pritet të ekstradohet në Shqipëri për të vuajtur dënimin e tij.

Ky është një tjetër shembull i bashkëpunimit ndërkombëtar për luftën ndaj krimeve të narkotikëve.