Një 23-vjeçare shqiptare është arrestuar në Serbi, pasi akuzohet si bashkëautore e një vjedhjeje me dhunë të ndodhur në Tropojë në vitin 2021. Autoritetet policore shqiptare dhe ato serbe po bashkëpunojnë për finalizimin e procedurës së ekstradimit të saj drejt Shqipërisë.

Rinesa Raci, 23 vjeç, ishte dënuar nga Gjykata e Kukësit në vitin 2024 me 3 vite e 4 muaj burg për veprën penale “Vjedhja me dhunë”, kryer në bashkëpunim.

Sipas hetimeve, e reja, së bashku me shtetasin me inicialet V.M., në vitin 2021 i vodhën me dhunë një shtetaseje celularin dhe një shumë parash në euro. Procedurat për ekstradimin e saj janë në vijim dhe pritet që Raci të kthehet në Shqipëri për të vuajtur dënimin e shqiptuar.