Një 32-vjeçar i shpallur në kërkim për një vepër të rëndë penale është vënë në prangat e Policisë në fshatin Sallmone të Shijakut. Fatjon Hoxha, i dënuar me 10 vjet burg nga Gjykata e Apelit për veprën penale “Marrëdhënie seksuale ose homoseksuale me dhunë me të mitur të moshës 14-18 vjeç”, u kap nga Specialistët për Hetimin e Krimeve të Komisariatit Shijak pas veprimeve të ndjekura mbi bazën e inteligjencës policore.
Gjykata e Apelit e Juridiksionit të Përgjithshëm kishte dhënë vendimin për dënimin e tij më 21 nëntor 2024, ndërsa Hoxha ishte shpallur në kërkim që prej asaj kohe.
Policia bën me dije se materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Durrës, për vijimin e mëtejshëm të veprimeve ligjore. Arrestimi i tij konsiderohet pjesë e angazhimit të Policisë së Shtetit për goditjen e personave të shpallur në kërkim për vepra të rënda penale.
