Lulzim Berisha është arrestuar në Spanjë sot, si rezultat i operacionit “Sant Joan”. Informacionet bëhen të ditura nga Policia e Shtetit, e cila konfirmon se arrestimi ka ndodhur në bashkëpunim me FAST Spanjën. Operacioni ka përfunduar me sukses dhe pas bashkëpunimit të shkëlqyer me autoritetet spanjolle, Lulzim Berisha, i shpallur në kërkim ndërkombëtar për rrezikshmëri të lartë shoqërore, është kapur.
Policia e Shtetit shprehet se vijon bashkëpunimi me autoritetet spanjolle për dokumentacionin dhe procedurat e nevojshme, me qëllim ekstradimin e Berishës në Shqipëri. Sipas policisë, ky rezultat vjen si pasojë e përpjekjeve të përbashkëta dhe bashkëpunimit të ndërsjellë në zbatimin e ligjit ndërkombëtar dhe kapjen e shtetasve të kërkuar për shkak të shkeljeve të rënda penale.
Policia e Shtetit Vijojnë operacionet dhe bashkëpunimet e sukskeshme me homologët, për kapjen e shtetasve të shpallur në kërkim ndërkombëtar, me rrezikshmëri të lartë shoqërore. Finalizohet operacioni policor i koduar “Sant Joan”. Si rezultat i bashkëpunimit të FAST Albanias me FAST Spanjën, falë informacioneve të siguruara përmes inteligjencës policore nga Policia e Shtetit dhe shkëmbimiet të tyre në kohë, me strukturat e Policisë spanjolle, u bë e mundur kapja e shtetasit me rrezikshëmri të lartë shoqërore Lulzim Berisha. Vijon bashkëpunimi me autoritetet spanjolle, për plotësimin e dokumentacionit, me qëllim ekstradimin e këtij shtetasi, në Shqipëri.
