Arrestohet në Turqi i shumëkërkuari Ibrahim Lici. Prokuroria e Përgjithshme ka kërkuar dërgimin e akteve ndaj Licit me urgjencë me qëllim që autoritetet turke të njihen me të e të nisin procedurat e ekstradimit.

I shumëkërkuari ka hyrë në territorin e Turqisë më 27 korrik.

Ibrahim Lici ishte në kërkim prej gati 3 vjetësh. Ai u shpall në kërkim në vitin 2019, pasi dyshohet si autori kryesor i vrasjes së dy vëllezërve Astrit dhe Ibrahim Bilali.

Gjithashtu ai akuzohet nga drejtësia edhe për vrasjen e Endri Mustafës. Disa muaj më parë Policia e Shtetit nxori një listë të 5 personave më të kërkuar në Shqipëri, duke ofruar shuma të konsiderueshme parash, ku mes 5 emrave ishte edhe ai i Ibrahim Licit.

Pas ngjarjes, policia arrestoi Arsen Stojkun 29 -vjeç dhe Mislim Ramën 23 -vjeç, ndërsa kishte shpallur në kërkim Ibrahim Licin.

Referuar provave, dyshohet se këta persona morën pjesë në ekzekutimin e vëllezërve Ibrahim dhe Astrit Bilali më 30 mars 2019 ne Shkodër.